Tuesday, February 27, 2007

പച്ചക്കിളി മുത്തുച്ചരം


രചന, സംവിധാനം : ഗൌതം മേനോന്‍
നിര്‍മ്മാണം : ഓസ്കാര്‍ രവിചന്ദ്രന്‍
അഭിനേതാക്കള്‍ : ശരത്കുമാര്‍, ജ്യോതിക, മിലിന്ദ് സോമന്‍, ആഡ്രിയ
സംഗീതം : ഹാരിസ് ജയരാജ്
ഛായഗ്രഹണം : അരവിന്ദ് കൃഷ്ണ


കാക്ക കാക്കയിലൂടെ പ്രശസ്തിയിലേക്കുയര്‍ന്ന ഗൌതം മേനോന്‍ രചിച്ച് സംവിധാനം ചെയ്ത ഏറ്റവും പുതിയ ചിത്രമാണ് പച്ചക്കിളി മുത്തുച്ചരം. ശരത്കുമാര്‍, ജ്യോതിക, ആഡ്രിയ, മിലിന്ദ് സോമന്‍ എന്നിവര്‍ പ്രധാന വേഷങ്ങളില്‍ അഭിനയിച്ചിരിക്കുന്നു. ഗൌതമിന്റെ മുന്‍‌ചിത്രങ്ങളെ അപേക്ഷിച്ച് മികച്ച തുടക്കമോ ജനപ്രീതിയോ ഇതിനു നേടാന്‍ കഴിഞ്ഞില്ല.

ജെയിംസ് സീഗളിന്റെ ഡീറെയില്‍ഡ് എന്ന നോവലിനെ ആധാരമാക്കിയാണ് ഗൌതം ഇതിന്റെ രചന നിര്‍വഹിച്ചിരിക്കുന്നത്. ക്ലൈവ് ഓവനും ജെന്നിഫര്‍ അനിസ്റ്റണും ചേര്‍ന്നഭിനയിച്ച് ഇതേ പേരില്‍ ഒരു ഹോളിവുഡ് ചിത്രവും ഇറങ്ങിയിരുന്നു. ഏതായാലും സത്യം തുറന്നു പറഞ്ഞത് അഭിനന്ദനീയം തന്നെ.

മെഡിക്കല്‍ റെപ്പായ വെങ്കിടേഷിന്റെ (ശരത്കുമാര്‍) ജീവിതത്തിലുണ്ടാകുന്ന പ്രശ്നങ്ങളാണ് സിനിമയുടെ പ്രമേയം. ഏകമകനുണ്ടാകുന്ന ആരോഗ്യപ്രശ്നങ്ങളെ തുടര്‍ന്ന് ഭാര്യ കല്യാണിക്ക് (ആഡ്രിയ) വെങ്കിയുടെ കാര്യങ്ങളില്‍ ശ്രദ്ധ കുറയുന്നു. ട്രെയിന്‍ യാത്രയില്‍ വെച്ച് വിവാഹിതയും ഒരു കുട്ടിയുടെ അമ്മയുമായ ഗീതയെ (ജ്യോതിക) വെങ്കി പരിചയപ്പെടുന്നു. അടുപ്പം വര്‍ദ്ധിച്ച് ഒരു ദിവസം ഓഫീസില്‍ പോകാതെ രണ്ടു പേരും ഒരു റിസോര്‍ട്ടില്‍ മുറിയെടുക്കുന്നു. അവിടെയെത്തുന്ന വില്ലനായ ലോറന്‍സ് (മിലിന്ദ് സോമന്‍) ഇവര്‍ ഭാര്യ ഭര്‍ത്താക്കന്മാരല്ലെന്നു മനസ്സിലാക്കുകയും തുടര്‍ന്ന് വെങ്കിടേഷിനെ ബ്ലാക്ക് മെയില്‍ ചെയ്യുകയും ചെയ്യുന്നു. അതിനെ തുടര്‍ന്നുണ്ടാകുന്ന സംഭവങ്ങളോടെയാണ് സിനിമ വികസിക്കുന്നത്.

സിനിമയുടെ ആദ്യപകുതി വിരസമാണ്. പകുതിക്ക് ഇറങ്ങിപ്പോയാലോയെന്നു തോന്നിക്കുമാറ് വലിച്ചു നീട്ടിയിരിക്കുന്നു. കഥാന്ത്യം പ്രതീക്ഷിച്ചതു പോലെ തന്നെയാകുമോയെന്നറിയാനുള്ള ആകാംക്ഷയായിരുന്നു പിടിച്ചു നിര്‍ത്തിയത്. പ്രതീക്ഷ ഒട്ടും തന്നെ തെറ്റിയില്ല. എങ്കിലും സസ്പെന്‍സ് മോശമായില്ല എന്നു പറയാം. രണ്ടാം പകുതി കുറച്ചു കൂടി ചടുലമാണ്.

ചുരുക്കി പറയേണ്ടിയിരുന്ന കഥ വലുതാക്കിയതിന്റെ പോരായ്മകള്‍ പലയിടത്തും പ്രകടമാണ്. എങ്കിലും ഗൌതമിന്റെ സംവിധായക മികവ് ദൃശ്യമാകുന്ന രംഗങ്ങളുമുണ്ട്. കൊലപാതകങ്ങളും സംഘട്ടനങ്ങളും നടക്കുമ്പോഴും പോലീസ് ഒരിക്കലും രംഗത്ത് വരാത്തത് അവിശ്വസനീയമാണ്.

അഭിനേതാക്കളെല്ലാം തന്നെ മികച്ച പ്രകടനം നടത്തിയിരിക്കുന്നു. മിതാഭിനയം കാഴ്ച വെച്ച ശരതിന്റെ മികച്ച വേഷങ്ങളിലൊന്നാണിത്. ജ്യോതികയും നല്ല പ്രകടനം നടത്തിയിരിക്കുന്നു. തമിഴില്‍ ആദ്യമായി വരുന്ന് മിലിന്ദ് സോമന്‍ ഗൌതമിന്റെ മുന്‍‌ചിത്രങ്ങളിലെ വില്ലന്മാരെ അനുസ്മരിപ്പിക്കുന്നെങ്കിലും മോശമാക്കിയിട്ടില്ല. ഗായികയായി വന്ന (കണ്ണും കണ്ണും നോക്കിയ, കര്‍ക്ക കര്‍ക്ക) ആഡ്രിയയുടെയും ആദ്യ സിനിമയാണിത്.

ഹാരിസ് ജയരാജിന്റെ സംഗീതം ഗാനങ്ങളെ മനോഹരമാക്കിയെങ്കിലും ചിത്രീകരണം നന്നായില്ല. പാശ്ചാത്തല സംഗീതം പലപ്പോഴും അസഹനീയമാണ്. ഉനക്കുള്‍ നാന്‍ എന്ന ഗാനം വേട്ടൈയാട് വിളൈയാടിലെ ഉയിരിലെ എന്ന ഗാനത്തിന്റെ സ്മരണകളുണര്‍ത്തുന്നു. അരവിന്ദ് കൃഷ്ണയുടെ ക്യമറ ഭേദമെന്നേ പറയാന്‍ പറ്റൂ.

മുന്‍‌ധാരണകളില്ലാതെ വന്നാല്‍ ഒരു മിനിമം ഗ്യാരണ്ടി പടം തന്നെ.

എന്റെ റേറ്റിംഗ് : 2.5/5

Tuesday, February 13, 2007

മൂവി ക്വിസ് - 2

താഴെ പറയുന്ന കഥാപാത്രങ്ങള്‍ ഏതൊക്കെ സിനിമയിലേത് അവതരിപ്പിച്ചത് ആരൊക്കെ


1. കീനേരി അച്ചു
കണ്‍കെട്ട് - മാമുക്കോയ
2. കാരക്കൂട്ടില്‍ ദാസന്‍
‍ഗോളാന്തരവാര്‍ത്തകള്‍ - ശ്രീനിവാസന്‍
3. മീശയില്ലാ വാസു
മഴവില്‍ക്കാവടി - പറവൂര്‍ ഭരതന്‍
4. ചക്കച്ചാപറമ്പില്‍ ജോയ്
ഫ്രണ്ട്സ് - ശ്രീനിവാസന്‍
5. പച്ചക്കുളം വാസു
കോട്ടയം കുഞ്ഞച്ചന്‍ - കൃഷ്ണന്‍‌കുട്ടി നായര്‍
‍6. തേങ്ങാ ഗോവിന്ദപിള്ള
പൂച്ചക്കൊരു മൂക്കുത്തി - സി ഐ പോള്‍
7. ഗര്‍വാസീസാശാന്
‍മാന്നാര്‍ മത്തായി സ്പീക്കിംഗ് - ജനാര്‍ദനന്‍
8. ഓമല്ലൂര്‍ സദാശിവനന്‍
‍ധ്വനി - ഉമ്മര്‍
9. സ്കഡ് കുട്ടപ്പന്‍
‍ഗാന്ധാരി - ജഗതി
10. മയ്യനാട് മാധവന്‍
‍ചെപ്പടി വിദ്യ - ശ്രീനിവാസന്‍
11. ഇരുമ്പ് ജോണ്‍
‍വിയറ്റ്നാം കോളനി - ഭീമന്‍ രഘു
12. പച്ചാളം പാപ്പച്ചന്‍
‍കാസര്‍കോഡ് കാദര്‍ഭായ് - ശങ്കരാടി
13. ചൂടന്‍ രാമചന്ദ്രന്‍
‍ചെപ്പ് - മോഹന്‍ലാല്‍
14. തിരുമുറ്റത്ത് കൊച്ചുതോമ
വീണ്ടും ചില വീട്ടുകാര്യങ്ങള്‍ - തിലകന്‍
15. ഹിച്ച്കോക്ക് കഞ്ഞിക്കുഴി
നമ്പര്‍ 20 മദ്രാസ് മെയില്‍ - രാജു
16. സര്‍ദാര്‍ കൃഷ്ണക്കുറുപ്പ്
മഴ പെയ്യുന്നു മദ്ദളം കൊട്ടുന്നു - ജഗതി
17. ചാള മേരി
കിഴക്കന്‍ പത്രോസ് - ഉര്‍വ്വശി
18. ഗുണ്ടൂര്‍ പാര്‍വ്വതി
കുടുംബ കോടതി - കല്പന
19. തവള ഭാസ്കരന്‍
‍ഗ്രാമഫോണ്‍ - സലിംകുമാര്‍
20. മുള്ളാണി പപ്പന്‍
മീശ മാധവന്‍ - മാള
21. കാരിക്കാമുറി ഷണ്മുഖന്‍
‍ബ്ലാക്ക് - മമ്മൂട്ടി
22. ധിംധി മത്തായി
ഫാന്റം - ലാലു അലക്സ്
23. കുരുടാംമണ്ടില്‍ ശശി
നയം വ്യക്തമാക്കുന്നു - ജഗദീഷ്
24. യശ്വന്ത് സഹായ്
സന്ദേശം - ഇന്നസെന്റ്
25. കള്ളന്‍ കൃഷ്ണന്‍
പ്രാദേശിക വാര്‍ത്തകള്‍ - ജനാര്‍ദ്ദനന്‍
26. കോക്കസ് സലിം
സ്ഥലത്തെ പ്രധാന പയ്യന്‍സ് - ജഗതി
27. പാളയം മുരുകന്‍
അസുരവംശം - മനോജ് കെ ജയന്‍
28. മൂലങ്കുഴിയില്‍ സഹദേവന്
‍സി ഐ ഡി മൂസ - ദിലീപ്
29. നത്ത് നാരായണന്‍
കനല്‍ക്കാറ്റ് - മമ്മൂട്ടി
30. പുഷ്‌പുള്‍ രാഘവന്‍
കിരീടമില്ലാത്ത രാജാക്കന്മാര്‍ - ജഗതി

ഉത്തരങ്ങള്‍ പറഞ്ഞവര്‍
kumar © - 29
ശ്രീജിത്ത്‌ കെ - 25.5
കണ്ണൂസ്‌ - 19.5
തമനു - 16.5
Rejith - 11.5
സിദ്ധാര്‍ത്ഥന്‍ - 14
പൊടിക്കുപ്പി - 9.5
അരവിന്ദ് :: aravind - 9
ഏറനാടന്‍ - 6ദിവ (d.s.) - 5
RR - 5കൃഷ്‌ krish - 5
രാജീവ് :: rajeev - 1